റിവ്യൂ ബോംബിംഗ് : സിയാദ് കോക്കറിന്‍റെ പരാതി സൈബര്‍ പോലീസ് അന്വേഷിക്കും : Deepika.com Kerala News |

Click here for detailed news of all items

റിവ്യൂ ബോംബിംഗ് : സിയാദ് കോക്കറിന്‍റെ പരാതി സൈബര്‍ പോലീസ് അന്വേഷിക്കും

Thursday, May 16, 2024 12:37 AM IST

കൊച്ചി: മലയാളസിനിമയില്‍ വീണ്ടും റിവ്യൂ ബോംബിംഗ് പരാതി. നിര്‍മാതാവ് സിയാദ് കോക്കറിന്‍റെ പരാതി സൈബര്‍ പോലീസ് അന്വേഷിക്കും.

റിലീസ് ചിത്രമായ ‘മാരിവില്ലിന്‍ ഗോപുരങ്ങള്‍’ എന്ന സിനിമയുടെ ഉള്ളടക്കം വെളിപ്പെടുത്തുംവിധം യുട്യൂബര്‍ അശ്വന്ത് കോക്ക് റിവ്യൂ ബോംബിംഗ് നടത്തിയെന്നു ചൂണ്ടിക്കാട്ടി കഴിഞ്ഞ 11നാണ് സിയാദ് കോക്കര്‍ പോലീസിനെ സമീപിച്ചത്. കൊച്ചി സിറ്റി പോലീസ് കമ്മീഷണര്‍ക്കു ലഭിച്ച പരാതി തുടരന്വേഷണത്തിനായി സൈബര്‍ പോലീസിന് കൈമാറുകയായിരുന്നു.

തന്‍റെ സിനിമയുടെ ഉള്ളടക്കം വെളിവാകുന്ന തരത്തിലും സിനിമ മോശമെന്ന് വരുത്തിത്തീര്‍ക്കുന്ന വിധവുമായിരുന്നു റിവ്യൂ. ഇതാണ് പരാതിപ്പെടാന്‍ കാരണം. സംസ്ഥാനത്ത് രജിസ്റ്റര്‍ ചെയ്ത ആദ്യ റിവ്യൂ ബോംബിംഗ് കേസിലും അശ്വന്ത് കോക്ക് ഉള്‍പ്പെട്ടിരുന്നു.

‘റാഹേല്‍ മകന്‍ കോര’’എന്ന സിനിമയുടെ സംവിധായകന്‍റെ പരാതിയില്‍ എറണാകുളം സെന്‍ട്രല്‍ പോലീസാണ് അന്ന് കേസെടുത്തത്. യുട്യൂബും ഫേസ്ബുക്കും ഉള്‍പ്പെടെ ഒമ്പത് പേര്‍ക്കെതിരേയായിരുന്നു കേസ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.